مساكم الله بالخير جميع
وانا اتشرف اكون احد اعضاء المنتدى للأستفادة ووللجيره السابقه لنا مع العتبان في هجرة عشيرة المخامر / رحم الله الشيخ سفاح الشغار / والشيخ ناصر الشغار , امضينا تقريباً اكثر من 8 سنوات في تلك الهجرة ولم نرى منهم إلا كل خير ولنا زملاء بل اخوان من ابوجلال ومن عريفجان ومن ابوركب ومن القرارة الله يذكرهم بالخير
لكن لي تعليق بسيط على موضوع النايف بخصوص ماذكر في القصه / وانا استغرب الاخ نايف قال بأن الشيخ بدر بن محماس هو من روى لي القصه / اخوي النايف الشيخ بدر بن محماس الشغار كان دائماً الوالد الله يرحمه وهو الشيخ زايد بن سمران الحارثي كثيراً مايجالس الشيخ بدر بن محماس والشيخ ناصر الشغار وكان الشايب الله يرحمه يذكر لهم ماحصل بين الحرث وبين العتبان وماجرى بينهم خصوصاً عندما اخذوا الحرث اباعر الشغار وكيف ردوا له اباعره بعد ماأقتتلوا بينهم الجياشة بنيوس مع الشلوى الحطاطبه بسبب أن ناصر الشغار عندما نزولو الحرث عند الحنو وكانوا الدماسين عندهم ثامنية اذواد وكانت العلاقة وانا اعني بالعلاقة اي العلقه الامان بين الحرث وبين برقا من العتبان اما روق ماكان بينهم وبين الحرث علاقة لذلك ذهب ناصر الشغار لمقبول بن هريس بيعطيه علقة اباعره واباعر ربعه قال مقبول ماجبت علقتها لين انقطعت غزيتها فرجع الشيخ ناصر الشغار لأبن عاتق فرفض لأن مقبول لم يقبلها المهم اخيراً اعطاها الشيخ سعد وسعد لم يعلم بأن مقبول يتجهز لغزو اباعر الشغارعند ذلك ابلغ سعد الويط مقبول بن هريس بأن الشغار اعطاه علقة اباعره قال مقبول (( اخذت علقتها يوم انقطعت غزيتها)) قال الشيخ سعد المهم تراك يامقبول ممنوع من اباعر الشغار وعندما رجع سعد الويط تشاور مقبول بن هريس مع ربعه في موضوع علقة اباعر الشغار وكان مقبول يبي اباعر الشغار لجمالها وعندما تشاورو قال مقبول انا ماني بغازي اباعر الشغار انا بغزي غامد وانت ياأبن عاتق السبعان وانت يادوخي بن مهلج اخذ اباعر الشغار وبنقول ان دوخي ماعنده خبر عن علقة اباعر الشغار (( علماً بأن دوخي ماكان موجود يوم سعد الويط منع مقبول بن هريس من الابل )) اخذ دوخي اباعر الشغار ورجع وعندما علم الشغار بذلك توجه للشيخ سعد الويط وقال له الابل اللي عطيتك علقتها وخذت قال سعد عندي خبر واخاذها ماجا يقصد مقبول بن هريس لأن مقبول مارجع من غزوته , قال الشغار اللي اخذها دوخي بن مهلج قال سعد خل لين مقبول يجي وابشر باباعرك واعتذر الشيخ سعد الويط من الشغار بما جرى , وعندما رجع مقبول من غزوته راح له الشيخ سعد الويط وقال له الابل اللي منعتك عنها وخذت قال مقبول لا تحط ايدينك في حلقي مااخذتها اخذها دوخي بن مهلج قال سعد دوخي الرجال الجالس هذا قال ايه قال على الطلاق على مايشهدون الرياجيل انك يادوخي بن مهلج انك من العارض هذا لهذا مايجيك مني شي وانت يامقبول ان مارديت اباعر الشغار على الطلاق ان نقاها راسك وقام سعد الويط / وتشاور مقبول بن هريس مع ربعه في اباعر الشغار قالو علمو سعد بنرجع نصها قال سعد رجعوا نصها والشيخ سعد يبي يرجع نصها عشان يوفي الباقي بالغنم / قال لشغار ابشر بنص اباعرك والنص الباقي الناقه عنها عشر من الغنم فرفض الشغار الا ان ترجع جميعها قال الشيخ سعد الباقي مايجيبه الا الدم قال الشغار علقة اباعري عندك وانت بكيفك فطلب الشيخ سعد من الشيخ مقبول ارجاع الباقي فرفض قال يامقبول رجع الابل ولا تقاسمنا الشر معكم قال ياسعد انت اخذت علقة اباعر الشغار وانت تدري ان بنغزيها ولا قلنا شي وعطيناك نص الابل والباقي خله ياخذ فيها اعوضً وخلف قال الشيخ سعد والله لترجع له اباعره عند ذلك اقتتلوا بينهم وقتل من الشلاوى عدد 7 ومن الجياشة بنيوس 6 ورجعوا اباعر الشغار الا الخواره وقالوا لشغار اخذ من حلالنا اللي تبي بدل الخواره قال الشغار اجل عندي كلمتين بقولها لكم وانتم بكيفكم فقال ابياته المشهوره // غديت انا وسحيم مثل الاخواني ,, إلى اخر القصيدة ـ لذلك ذهب الشيخ سعد الويط لمقبول وقال يامقبول ثمرة اباعر الشغار الخواره عندك والله لترجع لو تروح الجياشه كلها عند الخواره ـ فأقتنع مقبول وخاف من المصائب على قومه ورجعت الخواره للشغار وصار هناك قصائد بين الشلاوى من الحطاطبه والجياشه من بنيوس بخصوص هذه المعركه .
لذلك ارجوا التحري في الدقه ولا هو عيب لو قلت الصدق أما مسألة ان الحرث اخذو اباعر الشغار حنشل فهذا كلام غير صحيح اطلاقاً .
للتوضيح فقط
فأقتنع مقبول وخاف من المصائب على قومه ورجعت الخواره للشغار وصار هناك قصائد بين الشلاوى من الحطاطبه والجياشه من بنيوس بخصوص هذه المعركه )
العرض العادي
